OSBE/ODIHR ka gjetur problematika dhe e ka kritikuar rolin e KQZ-së në votimet e 30 qershorit.
Sipas institucionit ndërkombëtar, transparenca e KQZ-së u cënua nga anëtarët e mazhorancës në këtë komision.
Një tjetër problematikë e gjetur është regjistrimi i paligjshëm i Bindjes Demokratike në zgjedhje nga ana e KQZ-së.
“Komisioni Qendror i Zgjedhjeve e interpretoi ligjin në një mënyrë tepër të gjerë dhe nganjëherë në kundërshtim me praktikat e mëparshme, duke cënuar sigurinë juridike. KQZ-ja e regjistroi Partinë Bindja Demokratike si subjekt zgjedhor më 27 prill, megjithëse kjo e fundit u regjistrua si parti politike vetëm në 25 Prill, me një vendim gjyqësor që mori formë të prerë në 10 maj. KQZ nuk i kërkoi të partisë së sapo regjistruar BD që të mbledhë nënshkrime mbështetëse siç e kërkon ligji.” – thuhet në raport.
