Militantët talibanë morën përgjegjësinë për një sulm të kryer në kryeqytetin afgan, Kabul, ku u vranë 14 persona ndërsa më shumë se 150 të tjerë u plagosën.
Sulmi erdhi pasi Zalmay Khalilzad, i dërguari i SHBA-ve për paqen, përshëndeti ‘përparimin e shkëlqyeshëm’ pas raundit të fundit të negociatave me talibanët në Katar gjatë fundjavës.
Ky është sulmi i radhës pas disa të tjerësh të ndodhur muajt e fundit ku kanë humbur jetë 10 civilë e ushtarakë.
Talibanët kanë deklaruar se nuk do nënshkruajnë asnjë marrëveshje me Kabulin zyrtar për sa kohë në Afganistan ka ushtarë të huaj.