Një politikan pakistanez shpërndau një klip të animuar nga ‘Grand Theft Auto 5’, një lojë video, duke sugjeruar se ishte pamjet e vërteta. Interneti shpërtheu më pas në tallje para se ligjvënësi të mund të fshinte postimin e tij në ‘Twitter’.
Khurram Nawaz Gandapur, Sekretar i Përgjithshëm i Partisë Awami Tehreek të Pakistanit, publikoi në ‘Twitter’ atë që mendonte se ishte pamjet e mahnitshme të një avioni linje që mezi arriti të fluturojë mbi një kamion cisternë të parkuar në një pistë.
Ai shtoi titullin: ‘Largimi i avionit, që mund të kishte përfunduar në një fatkeqësi të madhe. Por gjithçka u shpëtua mrekullisht falë reagimit të pilotit.’
Për fat të keq për ligjvënësin, nuk bëhej fjalë për një ngjarje të vërtetë por ishte një pjesëz e shkëputur nga loja ‘Grand Theft Auto 5’, gjë që nxiti përdoruesit e rrjeteve sociale të talleshin me të.
Kjo është hera e parë që një zyrtar i Pakistanit tallet në internet. Në qershor, qeveria krahinore e Pakistanit Khyber Pakhtunkhwa aksidentalisht shpërndau një takim zyrtar në ‘Facebook’ me ‘filtrin e maces’ së aktivizuar.
