Qytetarë të shumtë dhe simpatizantë të Partisë Demokratike kanë dalë në këto momente në rrugët e Fierit për ti bllokuar hyrjen kryeministrit Rama që do të mbajë këtu gjatë pasdites mitingun e tij të parafundit elektoral.
Siç shikohet edhe nga pamjet, qytetarët ndodhen në këto momente në hyrje të qytetit, ndërkohë që Rama pritet të jetë aty pas dy orësh, me të përfunduar mitingun në qytetin e Vorës.
Në këto momente forca të shumta policie janë vendosur në Fier për të ruajtuar sigurinë e Ramës, tashmë në një panoramë të njohur.
