Një 62-vjeçar është plagosur mbrëmjen e sotme në plazhin e Velipojës.
Ngjarja ka ndodhur rreth orës 17:50 pas një konflikti që personi i plagosur me iniciale A.N. ka pasur me autorin e dyshuar të ngjarjes V. L., 43 vjeç.
I plagosuri është transportuar drejt spitalit rajonal të Shkodrës për mjekim ndërsa autori i dyshuar është ndaluar dhe po merret në pyetje.
Njoftimi i policisë
Me datë 05.05.2019, rreth orës 17:50, në plazh Velipojë, ka ndodhur një plagosje me thikë.
Menjëhere kanë shkuar forcat e policisë të Stacionit të Policisë Velipojë dhe falë reagimit të shpejtë është bërë e mundur kapja dhe arrestimi i autorit të dyshuar shtetasi V. L, 43 vjeç, banues në Velipojë.
Nga kjo ngjarje ka mbetur i dëmtuar shtetasi A. N. 62 vjeç, banues në Velipojë, i cili po dërgohet në Spitalin Rajonal Shkodër
Po kryhen veprimet me grup herimor për sqarimin e rrethanave të kësaj ngjarje.