Kryetarja e Lëvizjes Socialiste për Integrim Monika Kryemadhi në një lidhje direkte në emisionin “Opinion” ka folur për veprimet e opozitës në ditët në vazhdim.
Kryemadhi është shprehur se në vazhdim opozita do ndërmarrë një aksion të befasishëm dhe se nuk ka ndërmend të tërhiqet në rrugën e saj.
E pyetur edhe për deklaratat e Presidentit Ilir Meta, Kryemadhi u shpreh se është një vendim që i takon atij personalisht.
“Së pari, këtu nuk ka më gjë kundër nesh. Ne jemi qytetarë të thjeshtë. Si treçereku i shqiptarëve që janë të papunë, edhe ne ish-deputetët e opozitës jemi të papunë, kemi vetëm një mundësi për t’u përballur dhe ngritur zërin njëlloj si gjithë qytetarët e tjerë që janë të papunë. Misioni ynë është që ne të jemi të barabartë, të protestojmë, të ecim përpara me atë çfarë duan qytetarët“-deklaroi Kryemadhi.
