Një ngjarje e cila mund të kishte pasoja tragjike ka ndodhur në Laç pasi një makinë është përfshirë nga flakët ndërkohë që ka qenë në lëvizje.
Sipas informacioneve paraprake ngjarja ka ndodhur në rrugën që të çon për te Kisha e Shna Ndout në Laç dhe dyshohet se shkak mund të jetë bërë një shkëndijë elektrike në motorrin e makinës.
Nuk ka raportime për të lënduar ndërkohë që ende nuk ka një deklaratë zyrtare nga ana e policisë lidhur me ngjarjen. Në makinë po udhëtonin dy vajza të cilat kanë dalë menjëherë pas konstatimit të flakëve.
