Vendosni fjalën kyçe....

Denoncimi i ARRSH-së: Disa persona tentuan të vidhnin kabullin e ndriçimit të autostradës Tiranë-Durrës


Disa persona janë ndaluar nën akuzën se kanë tentuar të vjedhin kabullin e ndriçimit në autostradën Tiranë-Durrës, pranë rrethrrotullimit të Dogana.

 “Në autostradën Tirane – Durres, nga Rrethrrotullimi Shqiponja km 0+000 deri në km 0+820 u raportua nga ana e kontraktorit për mirëmbajtjen e këtij aksi, tentativa për vjedhje të kabllit të linjës së ndricimit në një gjatësi prej 820 m.”, thuhet në njoftimin e ARRSH-së.

Sipas Autoritetit Rrugor Shqiptar, disa persona kishin gërmuar dhe thyer betonin, duke dëmtuar kabullin e ndriçimit.

Identiteti i personave në fjalë nuk është bërë i ditur, por thuhet se janë ndaluar nga policia e Tiranës.
“Persona të paidentifikuar kishin gërmuar dhe thyer betonet duke dëmtuar në shumë vende kabllin e ndriçimit në këtë gjatësi të rrugës dhe duke marrë një sasi.
Falë punës së Policisë së Tiranës dhe bashkepunimit, u bë e mundur identifikimi dhe kapja e autorëve, të cilët gjatë paradites së djeshme vodhën kabllin e energjisë elektrike për shtyllat e ndriçimit dhe për këtë do të dënohen sipas ligjit në fuqi.
Kujdes, askush nuk ka të drejtë të cënojë, apo vjedhë pronën publike! Çdo shtetas që kryen vepra të tilla do të penalizohet me forcën e ligjit!”, thuhet në njoftim.


Leave a Reply

Your email address will not be published. Required fields are marked *