Vendosni fjalën kyçe....

Temperaturat me minus, studentët e Korçës ngujohen brenda fakultetit


Pas studentëve të Durrësit të Elbasanit dhe Tiranës edhe studentët e Korçës janë ngujuar. Mësohet se edhe studentët e Universitetit Fan S. Noli, kanë vendosur që të ngujohen.

Vendimi është marrë nga Këshilli Studentor ku thuhet se kanë vendosur të ngujohen në ambientet e Fakultetit Ekonomik, ndonëse temperaturat janë me minus dhe nuk ka asnjë ngrohje. Ata janë të vendosur deri në plotësimin e kërkesave të parashtruara ndaj Ministrisë së Arsimit dhe Kryeministrit Edi Rama.

Mesditën e sotme pedagogët e Fakultetit të Shkencave Politike dhe Juridike në Universitetin Aleksandër Moisiu në Durrës kanë dalë në mbrojtje të studentëve dhe kërkojnë shfuqizimin e ligjit të Arsimit të Lartë.

Në një deklaratë të fakultetit të Shkencave Politike dhe Juridike të Universitetit “Aleksander Moisiu” thuhet se mbështesim plotësisht kërkesat e studentëve dhe lirinë tyre për të protestuar.


Leave a Reply

Your email address will not be published. Required fields are marked *