Në prangat e policisë kanë rënë dy studentë pas protestës së organizuar ditën e sotme para kryeministrisë. Bëhet e ditur se janë shoqëruar në polici studentët Vilson Kulemani dhe Gëzim Almeta.
Ata tashmë ndodhen në Komisariatin nr 1 dhe mësohet se janë shoqëruar në polici për shkak se kanë mbyllur derën duke i venë drynin tek faktultetit të Politeknikut.
Për mbylljen e dyerve me dryn, reagoi dhe vetë kryeministri Edi Rama i cili tha se kjo është prova se protesta e studentëve është marrë peng.
“Mbyllja me dhunë e dyerve të disa fakulteteve është fytyra kuptimplotë e pengmarrësve të një proteste shembullore, e cila tanimë ka hyrë në fazën e realizimit të kërkesave bazë dhe zhvillimit të një Dialogu të brendshëm për nevojat specifike të çdo fushe studimesh”, u shpreh Rama.
