Teksa studentët janë të vendosur të mos negociojnë me kryeministrin, ky i fundit ka deklaruar sërish se i mbështet 8 pikat e tyre por duhet dialog.
“Sonte në OPINION dhe në ERTV Live natyrisht, për të vijuar të përsëris qoftë që PO, i mbështes 8 PIKAT e dua që t’i përmbushim sa më parë dhe qoftë që pa Dialog s’ka mundësi të kalohet nga kërkesat në distancë, në realizimin e tyre. ABC e demokracisë nuk zhbëhet dot me protesta”, shprehet Rama.
Mijëra studentë janë ende poshtë zyrës së kryeministrit mbledhur para Kryeministrisë. Ata kërkojnë plotësimin e 8 kërkesave të tyre ndërsa theksojnë me forcë se nuk kanë ndërmend të largohen dhe as të ulen në bisedime me kreun e qeverisë.
