Ish-kreu i Gjykatës së Apelit Tiranë, Metush Saraçi, ka dhënë dorëheqjen.
Mësohet se dorëheqja e Saraçit është bërë në fillim të muajit nëntor. Të paktën kështu ka njoftuar Presidenca në faqen zyrtare, se “kërkesa e Saraçit është dorëzuar më 5 nëntor.”
Arsyet e dorëheqjes së Saraçit nuk janë bërë ende të ditura, miëpo me këtë vendim ai largohet rrjedhimisht edhe nga procesi i Vettingut.
Sipas ligjit, në momentin që një gjyqtar jep dorëheqjen, presidenti vë në dijeni Komisionin e Pavarur të Kualifikimit, të cilit i kërkon ndërprerjen e Vettingut.
Metush Saraçi ka mbajtur postin e kreut të Gjykatës së Apelit deri në 2011. Pas mbarimit të mandatit, ai u zëvendësua nga Alaudin Malaj.
