Ka shpërthyer dhuna mes izraelititëve dhe palestinezëve në Gaza, një ditë pasi shtatë militantë dhe një ushtar izraelit u vranë gjatë një operacioni të fshehtë izraelit po në Gaza.
Palestinezët qëlluan me 300 raketa në Izrael, shkruan BBC. Njëri goditi një autobus, duke plagosur rëndë një ushtar që ndodhej afër.
Izraeli nga ana tjetër u përgjigj me më shumë se 70 sulme ndaj asaj që i quajti – objektiva që i përkasin Hamasit dhe xhihadit islamik.
Tre palestinezë, dy prej të cilëve thuhet se ishin militantë, mbetën të vrarë.
Ministria e Shëndetësisë e drejtuar nga Hamasi në Gaza tha se nëntë palestinezë u plagosën.
Ndërkohë, mjekët izraelitë thanë se dhjetë vetë u plagosën në Izrael.
Mediat izraelite më vonë raportuan se një burrë u vra pasi një shtëpi u godit nga një raketë në qytetin izraelit të Ashkelonit.
Gjenerali gjeneral izraelit Kamil Abu Rukun paralajmëroi se Hamasi “ka kaluar vijën e kuqe” dhe Izraeli “do të vazhdojë të përgjigjet kundër të gjitha veprimtarive terroriste ose zjarrit raketor”.
Kryeministri izraelit Benjamin Netanjahu ndërpreu vizitën e tij në Francë për një takim urgjent me shefat e tij të sigurisë.
