Qeveria britanike ka urdhëruar shkollat në Angli të mos përdorin burime nga organizata të cilat kanë shprehur dëshirën për t’i dhënë fund kapitalizmit.
Udhëzimet e Departamentit për Arsimin (DfE) të publikuara në fundjavë për drejtuesit e shkollave dhe mësuesit e përfshirë në vendosjen e planprogramit të marrëdhënieve, seksit dhe shëndetit e kategorizuan anti-kapitalizmin si një ‘qëndrim ekstrem politik’ dhe e barazuan atë me kundërshtimin e lirisë së fjalës, antisemitizmit dhe miratimit të veprimtari ilegale.
Ish-kancelari laburist në hije, John McDonnell, tha se masat në mënyrë të efektshme ndalonin referencën në shkolla për ngjarjet kryesore në historinë britanike dhe se ato simbolizonin rritjen e ‘autoritarizmit’ brenda partisë qeverisëse Konservatore.
Udhëzimet, pjesë e udhëzimeve të gjata për zbatimin e kurrikulës, thanë: “Shkollat nuk duhet në asnjë rrethanë të përdorin burime të prodhuara nga organizata që mbajnë qëndrime ekstreme politike. Ky është rasti edhe nëse materiali në vetvete nuk është ekstrem, pasi përdorimi i tij mund të nënkuptojë miratimin ose mbështetjen e organizatës.”
Ato renditën shembuj të atyre që u përshkruan si ‘qëndrime ekstreme politike’, të tilla si ‘një dëshirë e deklaruar publikisht për të shfuqizuar ose përmbysur demokracinë, kapitalizmin, ose për t’i dhënë fund zgjedhjeve të lira dhe të ndershme’; kundërshtimi i lirisë së fjalës; përdorimi i gjuhës raciste, përfshirë atë antisemitike; miratimi i veprimtarisë së paligjshme; dhe një dështim për të dënuar aktivitetet e paligjshme të bëra në mbështetje të kauzës së tyre.
