Andy Burnham ka përgatitur terrenin për një përballje të mundshme me Keir Starmer, pasi fitoi bindshëm zgjedhjet e pjesshme në Makerfield, duke hapur rrugën për rikthimin e tij në Parlamentin britanik dhe një kandidim të mundshëm për drejtimin e Partisë Laburiste.
Kryetari në largim i Greater Manchester premtoi ndryshim pas fitores së arritur në orët e para të së premtes, duke siguruar 55% të votave dhe një shumicë pothuajse dy herë më të madhe se ajo e paraardhësit të tij, Josh Simons.
Përmasat e kësaj fitoreje kanë nxitur spekulime mes aleatëve të Burnham se ai mund të zëvendësojë Starmerin si kryeministër brenda pak javësh, në mos ditësh. Shumë do të varet nga fakti nëse Starmer do të vendosë të luftojë për të ruajtur pozicionin e tij, shkruan The Guardian.
Në fjalimin e fitores, Burnham tha se rezultati “mund të jetë një pikë kthese” dhe se qytetarët “kanë votuar për ndryshim, kanë votuar për më shumë pushtet për veriun e vendit dhe për çdo zonë të lënë pas dore nga Westminsteri”.
