Televizioni belg VRT ndërpreu transmetimin e tij të Eurovision Song Contest të enjten vonë për të dënuar shkeljet e të drejtave të njeriut dhe lirisë së shtypit nga Izraeli dhe bëri thirrje për një armëpushim në Gaza.
VRT, që transmetonte në flamanisht, ndërpreu gjysmëfinalen e dytë të Eurovizionit të mbajtur në Malmo të Suedisë për të protestuar kundër sulmeve të Izraelit në Gaza.
“Ky është një veprim sindikal. Ne dënojmë shkeljet e të drejtave të njeriut nga ana e shtetit izraelit. Përveç kësaj, Izraeli po shkatërron lirinë e shtypit. Prandaj, ne po bëjmë një pushim të përkohshëm nga transmetimi ynë. Armëpushim tani,” tha media.
Dy ministra belgë kishin shprehur më parë besimin e tyre se Izraeli nuk duhet të marrë pjesë në Festivalin e Këngës në Eurovizion për sa kohë që sulmet e tij ndaj civilëve në Gaza vijojnë.
Artistët që përfaqësojnë Belgjikën, Portugalinë, Britaninë e Madhe, Irlandën, Zvicrën, Norvegjinë, Danimarkën, Lituaninë, Finlandën dhe San Marinon në Eurovision Song Contest kishin bërë thirrje për një armëpushim të menjëhershëm dhe të qëndrueshëm në Gaza.
Sektorë të ndryshëm nga shumë vende evropiane kishin bërë thirrje që Izraelit t’i ndalohej pjesëmarrja në finalen e Eurovizionit, e cila do zhvillohet në Malmo më 11 maj.
