SHBA ka ndaluar transferimin e armëve në Izrael për herë të parë që nga 7 tetori, një veprim që vjen pasi presidenti Joe Biden përballet me zemërimin e vazhdueshëm për mbështetjen e administratës së tij ndaj Izraelit.
Axios të dielën citoi dy burime izraelite të thoshin se Uashingtoni javën e kaluar vendosi në pritje një dërgesë municioni.
Anëtarët e vetë Partisë Demokratike të zotit Biden i kanë shkruar vazhdimisht atij për të shprehur shqetësimin se si Izraeli po përdor armë të prodhuara nga SHBA në Rripin e Gazës, ku janë vrarë rreth 35,000 njerëz, sipas autoriteteve shëndetësore.
Disa politikanë thonë gjithashtu se Departamenti i Shtetit po shkel kërkesat e SHBA për ndihmën ushtarake që do të përdoret sipas ligjit ndërkombëtar.
Shtëpia e Bardhë nuk e komentoi raportin e Axios, i cili shkaktoi një stuhi zemërimi në qarqet konservatore në Uashington.
Në një editorial, Wall Street Journal tha se duke kushtëzuar ndihmën për Izraelin, Biden rrezikon të inkurajojë Hamasin të mendojë se mund të shmangë arritjen e një marrëveshjeje armëpushimi me Izraelin.
Zoti Biden po përpiqet t’i bëjë presion Izraelit që të hartojë një plan gjithëpërfshirës për të mbrojtur civilët nëse pushton qytetin jugor të Rafahut, ku janë strehuar më shumë se një milion njerëz të zhvendosur, shkruajnë mediat e huaja.
