Fillova të ngas motoçikleta në vitin 1964, kundër dëshirës së prindërve të mi dhe bleva të parën, një Honda, në kohën kur isha student në Universitetin e Kolorados, sepse makinat nuk lejoheshin për studentët. Kam garuar me motor për pesë vjet, motocross dhe ngjitje kodrash dimërore.
E ngriva përkohësisht këtë pasion ndërsa formova familjen time, por u riktheva në vitet 1990. Bleva një motoçikletë, pastaj një tjetër.
Më pëlqejnë udhëtimet e gjata. Kam shkuar në gjithë shtetet perëndimore dhe kalova në Nova Scotia. Kur po largohesha nga biznesi im i kravatave, në vitin 2011, hipa në një “BMW 1200 GSA” dhe kalova nëpër 35 shtete, pothuajse 23 mijë kilometra.
Po atë vit, vendosa të hap një muze privat motoçikletash. Gjeta një copë tokë dhe “Koleksioni Moto Talbott” u hap në vitin 2015 në Carmel Valley, Kaliforni. Ka rreth 180 motoçikleta nga 17 vende. Ka motoçikleta, një motor të avionit bombardues B-17 për të nderuar shërbimin e babait tim në Luftën e Dytë Botërore dhe shumë motoçikleta italiane, pasi unë e dua dizajnin e tyre.
Vetëm 1 nga 180 motoçikletat në koleksionin tim e mbaj në dhomën e ndenjes, dhe ajo është “MV Agusta F4 750 Senna” e vitit 2002.
MV Agusta është një markë fituese e kampionatit botëror që filloi ndërtimin e motoçikletave rrugore dhe të garave në Itali në vitet e hershme të pasluftës. Unë ndoshta kam 20 prej tyre në koleksionin tim të muzeut. F4 ishte një biçikletë novatore që doli në vitin 1998, e projektuar nga një organizator i quajtur Massimo Tamburini.
Ajo është cilësuar si motoçikleta më e bukur në botë. Ajo u shfaq në një ekspozitë të quajtur “Arti i motoçikletës” në Muzeun Guggenheim në Nju Jork dhe e pashë për herë të parë në një libër me të njëjtin emër nga ajo shfaqje.
Kjo ishte vite përpara se të kisha idenë për të hapur një muze motorçikletash. Ishte për shkak të kësaj motoçiklete që fillova të kisha një vlerësim të jashtëzakonshëm për dizajnin e motoçikletave. Teknikisht, F4 ishte e mahnitshme. Kishte një motor me katër cilindra, katër valvola për cilindër dhe një ndezës të zbukuruar. Më në fund bleva një rreth 2011.
Edicioni “750 Senna F4” është diçka ndryshe. Është një F4 që ka marrë steroide. MV Agusta ndërtoi një edicion special si nderim për Ayrton Sennën, kampionin brazilian të botës në Formula 1, i cili vdiq në vitin 1994. Janë bërë të gjitha llojet e modifikimeve për ta bërë atë më të shpejtë.
Është një motoçikletë jashtëzakonisht e rrallë. U ndërtuan vetëm 300 copë, dhe jo shumë erdhën në SHBA. M’u deshën tre vjet për të gjetur një. Ishte në Sedona, Arizona. Unë ofrova, e bleva dhe gruaja ime menjëherë e hipëm në kamionçinë dhe u nisëm në jug.
I mbaja me vete kostumin tim të motoçikletës dhe helmetën. Ne morëm motoçikletën dhe i hipa atë ditë deri në Kaliforni. Kjo motoçikletë mund të thyejë kufirin e shpejtësisë në marshin e parë dhe ka pesë marshe të tjera. Tubat e shkarkimit, kam lexuar dikur, janë akorduar nga një muzikant në Itali, një fakt që besoj se është e vërtetë.
Për ta ngarë rehat, duhet të jesh kalorës i vërtetë. Ju duhet të jeni 25 vjeç dhe të peshoni 150 kilogramë. Unë nuk plotësojë asnjë nga këto kushte. Shpejtësia maksimale thuhet se është mbi 270 kilometra në orë, por unë nuk e kam provuar asnjëherë.
Shoku im më i mirë i kalërimit është Greg Petersen – i cili ka dy Senna F4 me targa “AYRTON” dhe “SENNA” – dhe unë i kam ngarë këto motoçikleta nëpër Liqenet Mammoth të Kalifornisë dhe deri në malin Shasta. E kam ngarë për rreth 8 mijë kilometra. Pastaj e vendosa në dhomën time të ndenjjes – tani për tani.
VINI RE: Ky material është pronësi intelektuale e WSJ
Përgatiti për Hashtag.al, Klodian Manjani
