Teksa këto ditë besimtarët ortodoksë festojnë Pashkët, në pikën kufitare të Kapshticës është regjistruar fluks hyrje-daljesh. Sipas informacioneve 24 orëve të fundit në Kapshticë kanë hyrë 4310 dhe kanë dalë 4526 shtetas.
Ndërkohë, në Qafë Thanë kanë hyrë 4077 dhe kanë dalë 4273 shtetas. Kujtojmë se dje sekretari i Përgjithshëm i PL-së, Tedi Blushi denoncoi nga Kapshtica situatën në pikën kufitare, që sipas tij ishte problematike, për shkak të radhës së madhe të krijuar.
Ndërkaq, Dogana e Kapshticës mohoi që të kishte radhë në palën shqiptare, ndërsa tha se pritje kishte vetëm në radhën greke.
