Edhe për ditën e sotme ka përfunduar protesta e thirrur nga Aleanca për Teatrin dhe opozita para bashkisë së Tiranës në lidhje me dosjen “5D”.
Ashtu si edhe në protestat e shkuara, protestuesit hodhën molotov, fruta dhe vezë në drejtim të portës hyrëse të Bashkisë.
Anëtarët e Këshillit Bashkiak tentuan të hynin në godinë, ku Tedi Blushi pati edhe një përplasje me policinë, pasi u ndalua nga efektivët.
Ndërkohë nënkryetari i këshillit bashkiak në Bashkinë e Tiranës, nga radhët e opozitës, Dorian Teliti, tha se kriminelët e vërtetë ndodhen brenda bashkisë, e jo këshilltarët që tentonin të hyni n në godinë për të kryer detyrën.
