Nënkryetari i Rithemelimit Gazment Bardhi i është përgjigjur kryeministrit Rama, pasi ky i fundit ftoi demokratët që t’i bashkohen PS-së pasi e kanë derën e hapur.
Bardhi shkruan në X se kreu i qeverisë së pari duhet të mbyllë dyert e dritaret e PS-së që po braktiset masivisht nga socialistët e ndershëm si dhe të Shqipërisë që po braktiset masivisht nga të rinjtë.
Ai shkruan se demokratët e kanë shtëpinë dhe se kanë vendosur të bëjnë realitet ndryshimin e shumëpritur.
“Edi Rama duhet të mbyll derën dhe dritaren që të mos vijojë braktisja masive që po i bëjnë socialistët e ndershëm, që nuk pranojnë dot 11 vjet keqqeverisje dhe korrupsion, largimin e të rinjve nga vendi apo varfërinë në rritje. Demokratët kanë shtëpinë e tyre dhe janë të vendosur të bëjnë realitet ndryshimin që presin shqiptarët prej 11 vjetësh. Boll më! 12 vjet keqqeverisje dhe korrupsion janë shumë kohë e humbur.” – shkruan Bardhi.
