Gëzim Çela
Ministria e Drejtësisë bëri të ditur më 27 shkurt për ekstradimin e Gëzim Çelaj, i njohur si “Baroni i drogës”, nga Kosova drejt Shqipërisë. Çelaj, 56 vjeç, është kërkuar për trafik droge dhe për bashkëpunim në grup të strukturuar kriminal.
Ekstradimi i Çelajt është vendosur në bazë të një vendimmarrjeje të Gjykatës Themelore në Ferizaj të Kosovës, datë 11 janar, pasi ai ka dhënë pëlqimin për të ekstraduar drejt Shqipërisë.
Kërkesa për ekstradimin e Çelës bazohet në një vendim të Gjykatës së Posaçme të Shkallës së Parë për Korrupsionin dhe Krimin e Organizuar të tetorit të vitit të kaluar. Ky vendim caktoi masën e sigurimit “Arrest në burg” për Çelën për veprat penale të trafikut të narkotikëve dhe aktivitetet e kryera në bashkëpunim me një grup të strukturuar kriminal.
