Rusia do duhet të vijojë ta luftojë Ukrainën derisa të pushtojë Kievin dhe qytetin bregdetar Odessa, ka pohuar ish-presidenti Dmitry Medvedev.
Të dy qytetet kanë “rrënjë ruse”, por po drejtohen nga armiqtë e Moskës të udhëhequr nga SHBA-ja, që do të thotë se ato paraqesin një kërcënim ekzistencial, sipas zyrtarit të lartë, i cili tashmë shërben si nënkryetar i Këshillit të Sigurisë Kombëtare të Rusisë.
Vërejtjet ishin copëza nga një intervistë që Medvedev dha për mediat ruse, të cilën ai e ndau në mediat sociale të enjten.
“Ku duhet të ndalemi? Nuk e di,” tha ai, duke shtuar se ka shumë “punë serioze” përpara.
“A do të jetë Kievi? Ndoshta. Ky duhet të jetë edhe Kievi. Nëse jo tani, atëherë diku më vonë. Ka dy arsye. Kievi është një qytet rus dhe një kërcënim për ekzistencën e Federatës Ruse buron prej tij”, tha ai.
Në një video të veçantë, Medvedev iu drejtua portit jugor të Ukrainës, Odessa, duke i kërkuar atij që të “kthehej në shtëpi”.
“Ne në Federatën Ruse kemi pritur prej kohësh Odessa, qoftë edhe për shkak të histories, qoftë për njerëzit që jetojnë aty. Është qyteti ynë rus”, pohoi ai.
