Oficerët e Byrosë Kombëtare të Hetimit dhe forca policie zbarkuan sot pasdite (Ora 15:00) në zyrat e kompanisë farmaceutike “Delta Pharma” në Kashar, Tiranë.
Burime për Report Tv, bëjnë me dije se SPAK po verifikon kontratën e ‘Delta Pharma’ për furnizim të Ministrisë me 150 milionë lekë medikamente.
Mësohet se po kryhen kontrolle dhe tek kompania Avicena dhe farmacitë “Ditë e Natë”, që janë pjesë e kompanisë Delta Pharma.
Raportohet se kontrolli po bëhet në kuadër të hetimet ndaj ish ministrit të Shëndetësisë, Ilir Beqaj.
Kujtojmë se SPAK e akuzon Beqajn për shpërdorim detyre për koncesionin e sterilizimit, ndaj Prokuroria e Posaçme zyrtarizoi hetimin për ish-ministrin e Shëndetësisë, lidhur me koncesionin e sterilizimit të pajisjeve kirurgjikale, kontrata koncesionare 10-vjeçare afro 100 milionë dollarëshe, e cila u firmos në dhjetor 2015 dhe ende vijon.
Prokuroria e Posaçme bëri me dije se ish-ministri ka konsumuar veprën penale të shpërdorimit të detyrës në lidhje me procedurat e ndjekura për koncesionin e sterilizimit të pajisjeve kirurgjikale me vlerë 100 milionë euro.
Kështu, sipas hetimeve të zhvilluara deri në këtë fazë, ish-ministri akuzohet për shkelje të barazisë në tendera apo ankande publike.
