Një 60-vjeçar ka mbetur i plagosur me thikë në Durrës dhe ndodhet në spital në gjendje të rëndë për jetën. Gëzim Dika u godit nga Ermal Çitiz pas një konflikti për motive të dobëta.
Autori u arrestua nga policia, e cila ka nisur punën për zbardhjen e rrethanave të ngjarjes.
Durrës
Plagosi me mjet prerës (thikë), një 60-vjeçar, gjatë një konflikti për motive të dobëta, kapet menjëherë nga shërbimet e Policisë dhe shoqërohet në komisariat, 54-vjeçari.
Në lagjen nr. 14, Durrës, gjatë një konflikti për motive të dobëta, shtetasi E. Ç, 54 vjeç, ka plagosur me mjet prerës (thikë), shtetasin G. D., 60 vjeç, i cili ndodhet në spital, në gjendje të rëndë.
Shërbimet e Policisë pas marrjes së njoftimit, brenda pak minutash kanë bërë të mundur kapjen dhe shoqerimin në Komisariat të shtetasit E. Ç., për veprime të mëtejshme.
Vijon puna për dokumentimin e plotë të kësaj ngjarjeje.
