Ati Tomasz Zmarzły u vu nën hetim për një orgji të supozuar të homoseksualëve të shkuar keq
Papa Françesku pranoi të martën dorëheqjen e një peshkopi polak, dioqeza e të cilit është tronditur nga raportimet për një festë seksuale ku përfshihej një prostitutë mashkull në banesën e një prifti, shkruan Daily Mail.
Ndërsa Vatikani nuk dha një arsye përse Peshkopi Grzegorz Kaszak, 59 vjeç, po jepte dorëheqjen si kreu i dioqezës së Sosnowiec, në Poloninë jugperëndimore, dioqeza e tij u shfaq në titujt e mediave në mbarë botën pasi një prej priftërinjve të tij, At Tomasz Zmarzły, u vu nën hetim për një orgji të dyshuar të homoseksualëve të shkuar keq.
U raportua se at Tomasz u përpoq të ndalonte mjekët që të hynin në banesën e tij në Dabrowa Gornicza, pasi një burrë pësoi mbidozë me pilula që përdoren për mosfunksionimin erektil në një festë seksuale, ku mori pjesë një prostitutë mashkull.
Peshkopi Grzegorz Kaszak, 59 vjeç i dërgoi letrën e tij të dorëheqjes Papa Françeskut në shtator
Waldemar Lubniewski, një zëdhënës i Prokurorisë së Qarkut në Sosnowiec, tha se hetimi u përqëndrua në ‘mosdhënien e ndihmës për një person në një gjendje që paraqet një kërcënim të menjëhershëm të humbjes së jetës ose dëmtimit serioz të shëndetit’.
Skandali tërhoqi vëmendje të konsiderueshme në Poloni, me ngjarjen që dëmtoi më tej imazhin e kishës në atdheun e Shën Gjon Palit II.
