India duhet të bazohet në suksesin e nismës së saj hapësinore duke synuar ‘qëllime të reja dhe ambicioze’, që përfshijnë ngritjen e një stacioni hapësinor deri në vitin 2035 dhe dërgimin e indianit të parë në Hënë deri në vitin 2040, u tha zyrtarëve të martën kryeministri i vendit Narendra Modi në një takim të nivelit të lartë.
“Për të arritur vizionin e kryeministrit, Departamenti i Hapësirës do zhvillojë një udhërrëfyes për eksplorimin e Hënës, i cili do ‘përfshijë një sërë misionesh Chandrayaan, zhvillimin e një automjeti lëshues të brezit të fundit (NGLV), ndërtimin e një platforme të re lëshimi, përgatirjen e njerëzve e laboratorë dhe teknologji të ndërlidhura”, thuhet në një deklaratë nga zyra e kryeministrit.
Modi vendosi objektiva të reja ambicioze ndërsa kryesonte një takim të nivelit të lartë për të vlerësuar përparimin e misionit të parë të misionit hapësinor të Indisë “Gaganyaan”, i cili pritet të ngrihet në vitin 2025.
Misioni është shtyrë disa herë, së pari për shkak të Covid-19 pandemisë dhe më pas mbi shqetësimet e sigurisë. Po kështu, afati për stacionin hapësinor të vetë Indisë është shtyrë gjithashtu – më parë pritej të përfundonte deri në vitin 2030.
