Procesi i Berlinit në shifra, çfarë ka përfituar Shqipëria dhe marrëveshjet e firmosura

Procesi i Berlinit është një iniciativë që synon rritjen e bashkëpunimit rajonal në Ballkanin Perëndimor dhe dhënien e ndihmës për integrimin e vendeve të BP në Bashkimin Evropian.

Ditën e sotme për herë të parë në procesin e tij që prej shpalljes së tij nga ish-kancelarja Angela Merkel në 2014, u zhvillua për herë të parë jashtë vendeve të BE-së.

Shqipëria priti ditën e sotme liderët e vendeve të BE-së dhe ata të Ballkanit Perëndimor.

Ditën e sotme u inaugurua hapja e degës së Kolegjit Evropian të Bryzhit në Tiranë si dhe u firmos marrëveshja për njohjen e kualifikimeve profesionale të infermierëve, veterinerëve, farmacistëve dhe mamive.

Investimet e BE-së në Ballkanin Perëndimor

Bashkimi Evropian ka investuar në vendet e Ballkanit Perëndimor 23.9 miliardë euro që prej vitit 2009. Pjesa më e madhe e fondeve është përfituar nga Serbia (8.5 miliardë), më pas është Bosnja (5.7 miliardë) dhe më pas është Shqipëria që ka përfituar nga BE investime në vlerën 3.2 miliardë euro.

Fondet përfitohen nëpërmjet Kuadrit të Investimeve në Ballkanin Perëndimor (ËBIF) është një nismë e përbashkët e BE-së, institucioneve financiare, donatorëve dypalësh dhe përfituesve, që synon të rrisë harmonizimin dhe bashkëpunimin në investime për zhvillimin socio-ekonomik të rajonit dhe të kontribuojë në perspektivën evropiane të vendeve perëndimore.

Sipas të dhënave grantet e përfituara janë në vlerën 355.6 milionë euro, ku pjesa më e madhe prej 272.1 milionë euro është investuar në transport, 36.2 milionë euro janë përdorur në sektorin e energjisë, ndjekur nga mjedisi e klima me 28.9 milionë euro, më pas është e ardhmja dixhitale me 15.4 milionë euro si edhe kapitali njerëzor 3 milionë euro.

Po ashtu Shqipëria ka marrë nga BE hua në vlerën 658 milionë euro.

Nëpërmjet investimeve që do të vijnë nga BE deri në vitin 2030 synohet rritja e kapaciteteve të energjisë së rinovueshme, rehabilitimi i 185 kilometra hekurudhë, përmirësimi i sistemit të ujit dhe kanalizimeve për mbi 975 mijë njerëz. Po ashtu do të investohet në 627 shkolla për tu pajisur me laboratorë inteligjentë ku përfitojnë 198 nxënës/vit.

Ndërkohë investimet e kaluara të BE janë përqendruar tek Hekurudha Tiranë-Durrës, HEC-i i Fierzës, Baypass i Tiranës, Porti i Durrësit apo tek linja e interkonjeksionit me Maqedoninë e Veriut

Plani i rritjes do të ketë në fokus aksesin në tregun evropian për kompani dhe fusha të caktuara, fonde për nxitjen e bizneseve dhe investime të tjera në transport, energji, ujë etj.

Shifrat

Serbia 8.5 mld euro

Bosnje Hercegovina 5.7 mld euro

Shqipëria 3.2 mld euro

Maqedonia e Veriut 2.6 mld euro

Kosova 2 mld euro

Mali i Zi 1.9 mld euro

Grantet e përfituara nga WBIF

Grantet e WBIF: 355.6 milion €

Grantet për investime: 302.3 milion €

Asistencë teknike: 53.3 milion €

Transport i qëndrueshëm 272.1 milionë euro