Kryeministri Edi Rama ka reaguar nëpërmjet një postimi në rrjetin social “X” pas sulmit terrorist në Ankara, Turqi, ku u plagosën dy oficerë policie dhe u vranë dy terroristët.
Rama shkruan se sulmi është një akt i neveritshëm frikacak që Shqipëria e dënon ashpër.
“Sulmi terrorist në Ankara është një akt i neveritshëm frikacak që Shqipëria e dënon ashpër. Ai duhet të ndihmojë shumë në Evropë që të kuptojnë dhe mbështesin më mirë Turqinë në luftën e saj kundër terrorizmit🇦🇱🤝🇹🇷”, shkruan Rama.
Pasi mëngjesin e sotëm është dëgjur një shpërthim i fuqishëm në Ankara, pranë parlamentit turk, i cili më pas do të fillonte mbledhjet për mandatin e ri parlamentar, sipas korrespondentit të AFP.
Ministria e Brendshme e Turqisë thotë se shpërthimi ishte një “sulm terrorist”. Ministri thotë se një kamikaz ka shpërthyer një mjet shpërthyes në kryeqytetin turk, duke plagosur 2 policë, ndërsa kanë vdekur kamikazi dhe një sulmues tjetër.
