Një konsulent i Shërbimit të të Ardhurave të Brendshme të SHBA-së (IRS) është paditur për vjedhjen dhe nxjerrjen në media të deklaratave tatimore të amerikanëve të pasur, siç thuhet duke përfshirë edhe presidentin e atëhershëm Donald Trump.
Charles Littlejohn, një kontraktor 38-vjeçar i IRS në Uashington, akuzohet për zbulim të paautorizuar të një deklarate tatimore dhe përballet me një dënim maksimal prej pesë vjetësh burgim, njoftoi të premten Departamenti i Drejtësisë i SHBA-së (DOJ).
Ai dyshohet se vodhi dhe shpërndau në mënyrë të paligjshme dosjet financiare private të mijëra amerikanëve të pasur.
Sipas aktakuzës, Littlejohn vodhi informacionin e deklaratës tatimore të një zyrtari të lartë qeveritar, i referuar në dokumentet e gjykatës si ‘Zyrtari publik A’. CNN dhe media të tjera raportuan se zyrtari i përmendur në aktakuzë është Trump, sipas një burimi të paidentifikuar të njohur me rastin.
New York Times dhe ProPublica thuhet se morën dokumentet tatimore dhe sipas prokurorëve, rrjedhjet çuan në shkrime të shumta bazuar në dosjet që Littlejohn vodhi. Mediat nuk janë akuzuar për keqbërje nga Departamenti i Drejtësisë.
Një zëdhënës i ProPublica i tha CNN se gazeta ‘nuk e di identitetin e burimit që dha këtë grumbull informacioni mbi taksat e paguara nga amerikanët më të pasur’.
NYT mori deklarata tatimore për dekada për Trump dhe kompanitë e tij dhe publikoi histori të shumta bazuar në ato dokumente në vitet 2020 dhe 2021. Ish-presidenti kishte kundërshtuar prej kohësh të publikonte deklaratat e tij tatimore, duke përmendur faktin se dosjet e tij po kontrolloheshin nga IRS .
Kur demokratët e Kongresit publikuan disa nga të dhënat tatimore të Trump në fund të vitit të kaluar, ai tha se dosjet vërtetuan se sa i suksesshëm kishte qenë ai si një zhvillues i pasurive të paluajtshme.” – tha ai.
Trump paditi mbesën e tij, Mary Trump, në shtator 2021, duke pretenduar se ajo kishte krijuar një ‘komplot tinëzar’ për të marrë dhe publikuar deklaratat e tij tatimore.
Ai pretendoi se ajo zbuloi të dhënat e tij tatimore për të bërë publicitet për librin e saj për perandorinë e pasurive të paluajtshme të familjes.
