Agjencia e Mbikëqyrjes Policore ka arrestuar një oficer policie me detyrë ndihmës kontrollor në Stacionin e Policisë në Portin e Durrësit pasi ka lejuar të kalojë për të dalë jashtë vendit një person të shpallur në kërkim ndërkombëtar.
Në prangat e policisë ra efektivi me iniciale G.L 23-vjeç me detyrë ndihmës kontrollor në Portin e Durrësit.
Efektivi dyshohet se lejoi daljen jashtë shtetit të një shtetasi të shpallur në kërkim për disa vepra penale.
“Në datë 22.09.2023, Agjencia e Mbikëqyrjes Policore (Rajoni Durrës-Kavajë) në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Durrës ka kryer ndalimin e oficerit të policisë Inspektor G.L., 23 vjeç, me detyrë Nd.kontrollor në Stacionin e Policisë në Portin e Durrësit.
Ndalimi i tij u krye pasi dyshohet se në datë 17.09.2023 ka lejuar daljen jashtë shtetit nga PKK të një shtetasi të shpallur në kërkim për disa vepra penale.
Materialet proceduriale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Durrës”- njofton AMP.
