Një ish-zyrtar i lartë i kundërzbulimit të FBI-së u deklarua fajtor të premten për fshehjen e të paktën 225,000 dollarëve në para që dyshohet se kishte marrë nga një ish-zyrtar i inteligjencës shqiptare ndërsa punonte për agjencinë.
Charles McGonigal, 55 vjeç, ishte agjenti special i ngarkuar me divizionin e kundërzbulimit të FBI-së në Nju Jork nga viti 2016 deri në 2018, kur doli në pension.
Akuza për të cilën ai u deklarua fajtor – fshehja e fakteve materiale – mbart një dënim maksimal prej pesë vjetësh burg. Gjykatësja e qarkut amerikan Colleen Kollar-Kotelly në Uashington, D.C., është planifikuar të japë vendimin ndaj McGonigal më 16 shkurt 2024.
Aktakuza për rastin e Uashingtonit nuk e karakterizon pagesën për McGonigal si ryshfet, por prokurorët federalë thonë se ai duhej ta raportonte atë. Pagesa krijoi një konflikt interesi midis detyrave të FBI të McGonigal dhe interesave të tij private financiare, thuhet në aktakuzë.
Në gusht, McGonigal u deklarua fajtor në Nju Jork për një akuzë të veçantë se ai komplotoi për të shkelur sanksionet ndaj Rusisë duke punuar për një oligark rus të cilin ai e kishte hetuar.
Një aktakuzë e zbuluar në janar e akuzoi McGonigal se punonte me një ish-diplomat sovjetik të kthyer në përkthyes në emër të industrialistit miliarder rus Oleg Deripaska. McGonigal pranoi mbi 17,000 dollarë për të ndihmuar Deripaskën të mblidhte informacion nënçmues për një tjetër oligark rus, i cili ishte një konkurrent biznesi.
Deripaska ka qenë nën sanksionet e SHBA-së që nga viti 2018 për arsye që lidhen me pushtimin e Krimesë nga Rusia. McGonigal gjithashtu u akuzua se punoi për të hequr sanksionet e Deripaskës.
McGonigal është planifikuar të daël në gjyq e të dëgjojë vendimin më 14 dhjetor për çështjen e Nju Jorkut.
McGonigal u arrestua në janar pasi mbërriti në Aeroportin Ndërkombëtar John F. Kennedy të Nju Jorkut
Në çështjen e Uashingtonit, McGonigal ra dakord me prokurorët se ai nuk raportoi për kredinë prej 225 mijë dollarësh, udhëtimin e tij në Evropë me personin që i kishte huazuar paratë ose kontaktet e tij me shtetas të huaj gjatë udhëtimeve, përfshirë kryeministrin e Shqipërisë.
McGonigal nuk i ka shlyer paratë që ka marrë hua, tha një prokuror. Gjatë seancës dëgjimore të së premtes, McGonigal i tha gjykatësit se ai i kishte marrë hua paratë për ta ndihmuar atë të niste një biznes këshillimi për sigurinë pasi ai doli në pension nga FBI. Ai gjithashtu i kërkoi falje agjencisë.
“Kjo nuk është një situatë në të cilën doja të isha apo ta kaloja,” tha ai.
VINI RE: Ky material është pronësi intelektuale e AP
*Ujdinë e McGonigal me prokurorinë e lexoni këtu: gov.uscourts.dcd.251256.32.0
