Luis Rubiales ka dhënë dorëheqjen si president i Federatës Spanjolle të Futbollit pas kritikave për puthjen e sulmueses spanjolle Jenni Hermoso në ceremoninë e prezantimit final të Kupës së Botës për femra.
33-vjeçarja Hermoso, tha se puthja pasi Spanja mundi Anglinë nuk ishte konsensuale dhe ajo paraqiti një ankesë ligjore të martën e kaluar.
Ai lëshoi një deklaratë duke thënë se i kishte dorëzuar dorëheqjen presidentit në detyrë të federatës, Pedro Rocha.
“Unë nuk mund të vazhdoj punën time,” tha Rubiales në “Piers Morgan Uncensored”.
46-vjeçari ka dhënë dorëheqjen edhe nga posti i tij si nënkryetar i komitetit ekzekutiv të UEFA-s.
Të premten, një prokuror paraqiti gjithashtu një ankesë në gjykatën e lartë të Spanjës kundër Rubiales për sulm seksual dhe detyrim.
Rubiales pretendoi se puthja ishte ‘e ndërsjellë dhe konsensuale’. Ankesa ligjore e Hermoso do të thotë se ai mund të përballet me akuza penale.
“Pas pezullimit të shpejtë të kryer nga FIFA, plus pjesën tjetër të proceseve të hapura kundër meje, është e qartë se nuk do mund të kthehem në pozicionin tim”, thuhet në deklaratën e Rubiales.
Rubiales tha se shpresonte se largimi i tij do të nxiste ofertën e përbashkët të Spanjës me Marokun dhe Portugalinë për të pritur Kupën e Botës 2030.
Ai shtoi: “Unë kam besim në të vërtetën dhe do të bëj gjithçka që kam në dorë për të fituar. Vajzat e mia, familja ime dhe njerëzit që më duan kanë vuajtur pasojat e persekutimit të tepruar, si dhe shumë falsifikimeve, por është gjithashtu e vërtetë që në rrugë, çdo ditë e më shumë, e vërteta po mbizotëron.”
Rreth 81 lojtarë të Spanjës, duke përfshirë të gjithë 23 fituesit e Kupës së Botës, thanë se nuk do të luanin më për ekipin kombëtar ndërsa Rubiales ishte në krye.
