Drejtuesi i një mjeti ‘Audi A8’ është ndëshkuar me 40 mijë lekë gjobë pasi është kapur duke ëvizur në autostradën Milot-Morinë me shpejtësi 205 kilometra në orë.
Sipas Policisë Rrugore, gjatë dy javëve të para të korrikut në këtë rrugë janë ndëshkuar 144 drejtues mjetesh për lëvizje mbi shpejtësinë e lejuar.
Prej tyre 135 janë drejtues mjetesh nga Kosova ndërsa 9 shtetasve shqiptarë u është pezulluar leja e drejtimit nga 3 deri në 12 muaj si dhe u janë hequr pikë nga leja e drejtimit.
Policia u bën thirrje drejtuesve të mjeteve që të respektojnë rregullat e qarkullimit rrugor për të shmangur aksidentet.
