Një makinë është përplasur me një shkollë fillore në jugperëndim të Londrës, duke lënë nëntë persona të plagosur, sipas forcave të policisë Metropolitane të qytetit, të cilët e përshkroi atë si një “përplasje të rëndë”.
Shtatë fëmijë dhe dy të rritur u lënduan në incidentin në Wimbledon, thanë oficerët, duke shtuar se ata janë në pritje të përditësimeve të mëtejshme mbi gjendjen e tyre, sipas CNN.
Zyrtarët kanë përjashtuar terrorizmin si një motiv, por po hetojnë më tej. Shoferi u ndal në vendngjarje dhe ende nuk ka të arrestuar, shtoi Met
Policia u thirr në orën 09:54 të mëngjesit për të raportuar se një makinë u përplas me një ndërtesë në shkollën fillore në Camp Road, tha forca në një deklaratë. Institucioni është një shkollë vajzash me pagesë për nxënësit e moshës 4-11 vjeç.
Kampionati prestigjioz i tenisit Wimbledon filloi në lagje të hënën.
“Oficerët mbeten në vendngjarje së bashku me paramedikët nga Shërbimi i Ambulancës në Londër dhe Ambulanca Ajrore e Londrës,” tha Met.
