Parlamenti i kthehet sërish punimeve pas një ndërprerjeje mujore për shkak të fushatës së zgjedhjeve vendore të 14 majit.
Në seancën e sotme pritet të miratohen dy projektligje që kanë të bëjnë me ratifikimin e marrëveshjeve për zhvillimin e integruar rajonal dhe ndërtimin e urës ndërkufitare mbi lumin Buna.
Kuvendi do shqyrtojë projektligjin ‘për ratifikimin e marrëveshjes së huasë, ndërmjet Shqipërisë dhe KFW Frankfurt am Main (KFW) e Fondit Shqiptar të Zhvillimit (FSHZH).
Po ashtu, Kuvendi shqyrton projektligjin për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Malit të Zi, për ndërtimin e urës ndërkufitare mbi lumin Buna.
