Dy banorë të fshatit Sinamat në Kukës kanë denoncuar vëllain e kryebashkiakut të Kukësit Safet Gjicit se i ka kërcënuar me armë.
Bedri e Nebi Sinamati nga fshati Bushat kanë akuzuar Lavdrim Gjicin se u ka bërë presion.
Më pas banorët e fshatit kanë shkuar te Drejtoria e Policisë Kukës në mbështetje të të afërmve të tyre ndërsa pretendojnë se edhe aty janë kërcënuar nga socialistët.
Në vend ka shkuar edhe kandidati i koalicionit të opozitës ‘Bashkë Fitojmë’ Admir Sinamati.
Pas incidentit policia ka shoqëruar katër persona, mes të cilëve edhe Lavdrim Gjicin.
