Deputeti i PD-së Edmond Spaho është përplasur me kryebashkiakun e Maliqit, Gëzim Topçiu.
Përplasja ka ndodhur gjatë një takimi elektoral që Topçiu po zhvillonte në zonën e Vreshtasit.
Spaho ka shkuar në zonë dhe ka debatuar me deputetin e PS-së Ilir Pendavinji dhe Topçiun duke i akuzuar për blerje votash.
Ndërkohë këta të fundit i kanë kërkuar të largohej duke e quajtur ‘adoleshent’.
Pjesë nga replikat
Spaho: Ku është Gëzimi (Topçiu) ma tregoni pak?
Fermeri: Gëzimi është aty, te ai zetori atje.
Spaho: Ku është ai Gëzimi?
Fermeri: Ja andej tutje.
Spaho: Ky që shikoni është kryetari i bashkisë i cili ka mbledhur të gjithë tatktorët me premtimin dhe gënjeshtrën që do t’u japë targat.
Ilir Pendavinji (deputet i PS): Ca ke o Mondi, nuk është gënjeshtër.
Topçiu: Po ik se nuk ka lezet kështu.
Spaho: Shikojeni këtë mashtrues në fushatë elektorale.
Pendavinji: Po mjaft u bëre si adoleshent mjaft.
Spaho: Ja edhe deputeti tjetër që ka ardhur për t’u vënë targat traktorëve.
Pendavinji: Ik o Mondi, ik tani.
Spaho: Shikoni kryetarin e Bashkisë si mbledh vota.
