Një i ri ka mbetur i plagosur në qytetin e Lezhës.
Rreth orës 23 të 8 majit janë dëgjuar të shtëna në lagjen “Besëlidhja”.
Dyshohet se shkak është bërë sherri mes disa të rinjve, ku një prej tyre ka mbetur i plagosur. Policia dhe grupi hetimor kanë shkuar në vendin e ngjarjes.
“Në Urgjencën e Spitalit Rajonal Lezhë, ka shkuar për ndihmë mjeksore, i plagosur me armë zjarri në këmbë në rrethana ende të paqarta shtetasi A.L. 22 vjeç, banues në Rrilë, Lezhë, i cili ndodhet jashtë rrezikut për jetën.
Grupi hetimor në bashkëpunim me Prokurorinë po punon për sqarimin e rrethanave të ngjarjes, identifikimin dhe kapjen e autorit”-njofton policia.
