Një 27-vjeçar është shpallur në kërkim në Shkodër pasi dyshohet se qëlloi në drejtim të një marketi në fshatin Grudë e Re.
Ngjarja ndodhi në orët e para të mëngjesit ku pronari i marketit njoftoi se marketi i tij qëlluar me armë zjarri.
Policia shpalli në kërkim shtetasin L.L 27-vjeç banues në fshatin “Grudë e Re”.
“Qëlloi me armë zjarri, gjatë orëve të para të mëngjesit të sotëm, në drejtim të një marketi në fshatin Grudë e Re, identifikohet dhe shpallet në kërkim 27-vjeçari, banor i këtij fshati.
Vijon kontrolli i zonës me qëllim kapjen e 27-vjeçarit.
Rreth orës 02:45 të mëngjesit të sotëm, shtetasi T. M. ka njoftuar sallën operative të DVP Shkodër se ishte qëlluar me armë zjarri në drejtim të marketit të tij, gjatë kohës që ky biznes ka qenë mbyllur.
Menjëherë pas marrjes së njoftimit, një grup i posaçëm hetimor ka mbërritur në vendngjarje, me qëllim zbardhjen e plotë të këtij rasti. Falë veprimeve të shpejta hetimore, u identifikua dhe u shpall në kërkim shtetasi L. L., 27 vjeç banues në fshatin “Grudë e Re”.
Nga hetimet paraprake dyshohet se disa ditë më parë 27-vjeçari ka tentuar të vjedhë në marketin e shtetasit T. M, por nuk ka mundur të realizojë vjedhjen.
Shërbimet e Policisë vijojnë kontrollet në zonë për kapjen e 27-vjeçarit.
Grupi hetimor, në drejtimin e Prokurorisë, po punon për zbardhjen e plotë të rrethanave të këtij rasti.
Materialet procedurale i kaluan Prokurorisë, për veprime të mëtejshme”-njofton policia.
