Udhëheqësi i Republika Srpska, një nga dy entitetet politike që përbëjnë Bosnjë dhe Hercegovinën, tha të premten se rajoni do bëhej shtet i pavarur.
“Republika Srpska do bëhet një shtet i pavarur sepse, në Bosnje dhe Hercegovinë, ne nuk jemi në gjendje të jemi pjesë e nismave rajonale që mund të jenë të dobishme për ne,” tha udhëheqësi serb Milorad Dodik.
Dodik pretendoi se Bosnja dhe Hercegovina ishte bërë një ‘terren stërvitor’ për ambasadorin e SHBA-së në Sarajevë dhe akuzoi anëtarin boshnjak të Këshillit të Presidencës prej tre personash të vendit, Denis Beciroviç, për urrejtje ndaj serbëve.
“Sapo zgjohet hap sytë në mëngjes, Denis Beciroviç urren menjëherë serbët. Jetojmë në një vend të pamundur ku disa ambasada bëjnë stërvitje ndaj nesh, por edhe kjo do kalojë një ditë. Bosnja dhe Hercegovina është terreni i stërvitjes të ambasadorit amerikan, por edhe ata do kalojnë”, tha Dodik.
Në fund të marsit, Sekretari Amerikan i Shtetit Antony Blinken e krahasoi qëndrimin e fundit politik të Dodik me atë të presidentit rus Vladimir Putin.
Dodik tha se së shpejti do miratohet një ligj që ndalon anëtarët e komunitetit LGBT të hyjnë në institucionet arsimore.
Vendimi u bazua në autoritetet lokale që donin të ruanin vlerat tradicionale familjare të popullit të Republikës Srpska, tha ai.
Dodik tha më herët se politika e SHBA-së dhe Britanisë e kishte kthyer Bosnjën dhe Hercegovinën në një vend ‘të mallkuar’ dhe synonte të shpërbënte Republikën Srpska.
