Është vetëdorëzuar në polici autori i dyshuar për plagosjen e tre personave në Tiranë mbrëmjen e djeshme.
40-vjeçari Altin Mergjushi dyshohet se pas një sherri në një lokal në Laprakë, plagosi me thikë 64-vjeçarin Viktor Rrapollari, vajzën e tij Roxhersa, 40 vjeçe, si dhe bashkëshortin e saj italian, 47 vjeçarin Massimo Sorvillo.
Mergjushi dyshohet se fillimisht është përplasur me fjalë me treshen, pasi italiani e kishte pushuar nga puna në fabrikë e më pas i ka goditur me thikë.
Tre të lënduarit u dërguan menjëherë në spital ku më e rënduar u paraqit 64-vjeçari Rrapollari.
