Çmimet e naftës vazhduan humbjet e tyre të martën mes shqetësimeve për sektorin bankar të SHBA pas rënies së Silicon Valley Bank (SVB) dhe Signature Bank, sipas AA.
Standardi ndërkombëtar i papërpunuar Brent u tregtua me 79,96 dollarë për fuçi në orën 9:57 të mëngjesit me orën lokale (0657 GMT), 1% më pak nga çmimi i mbylljes prej 80,77 dollarë për fuçi në seancën e mëparshme tregtare.
Në të njëjtën kohë, standardi amerikan West Texas Intermediate (WTI) tregtohej me 73,99 dollarë për fuçi, një rënie prej 1,08% pasi seanca e mëparshme u mbyll me 74,80 dollarë për fuçi.
Të dy standardet ranë ndjeshëm në një seancë tregtimi shumë të paqëndrueshme, me Brent që u ul në 78,34 dollarë për fuçi dhe WTI 72,33 dollarë për fuçi në seancën e mëparshme pas kolapsit të papritur të dy bankave në më pak se një javë.
Shpresat se Rezerva Federale e SHBA (Fed) mund të ngadalësojë ritmin e shtrëngimit të saj monetar u errësua nga frika e një recesioni ekonomik dhe kërkesa më e ulët për naftë.
Shqetësimet që u shfaqën pas rënies së bankave nuk u lehtësuan edhe pse presidenti Joe Biden siguroi të hënën amerikanët se sistemi bankar dhe depozituesit amerikanë janë “të sigurt”.
Në një shënim me e-mail, Daniel Hynes, strateg i mallrave në Grupin Bankar të Australisë dhe Zelandës së Re, vuri në dukje çështjet e anës së ofertës.
“Mbi 4 milionë fuçi naftë ruse thuhet se ruhen përkohësisht në cisterna nafte pasi vendi përballet me pasojat nga sanksionet e BE-së”, tha ai.
