Vendimi i grupit Aukus për të furnizuar Australinë me disa nëndetëse me shtytje bërthamore, po cilësohet si marrëveshja më e rëndësishme trepalëshe e teknologjisë ushtarake që nga Lufta e Ftohtë.
Australia do të blejë të paktën tre nëndetëse sulmi të klasit Virginia nga Shtetet e Bashkuara dhe Britania e Madhe do të furnizojë SSN-AUKUS, një version i përditësuar i nëndetëses Astute, që pritet të ndërtohet në Barrow-in-Furness.
Qeveria britanike thotë se do të krijojë mijëra vende pune në dekadat e ardhshme.
Nga ana e saj, Australia do të forcojë sigurinë detare që ka kërkuar përballë ambicieve të Kinës në Indo-Paqësor.
Mbretëria e Bashkuar dhe SHBA planifikojnë gjithashtu të krijojnë një Forcë qarkulluese të Nëndetëseve që vepron pranë Australisë Perëndimore.
Nëndetëset nuk do të mbajnë armë bërthamore. Por Kina e ka dënuar aleancën si “jashtëzakonisht të papërgjegjshme” dhe ka akuzuar anëtarët se kanë një “mentalitet të Luftës së Ftohtë”.