Vendosni fjalën kyçe....

Zonja e Parë viziton burgun e grave “Ali Demi” në Tiranë


Zonja e Parë Armanda Begaj ka bërë aktivitetin e parë publik që prej zgjedhjes së bashkëshortit të saj Bajram Begaj si President.

Zonja e Parë vizitoi burgun e grave “Ali Demi” në Tiranë, ku 27 vajza dhe gra vuajnë dënimin e tyre.

Gjatë vizitës së saj, Zonja e Parë zgjodhi të mbillte disa lule bashkë me vajzat dhe gratë e dënuara.

Të mbjellim bashkërisht disa bimë që sot nuk janë të çelura, por normalisht me ardhjen e pranverës ato do të çelin, duke ju dhënë një shpresë për jetën, për vazhdimin e saj,” tha ndër të tjera Zonja e Parë gjatë takimit me gratë.

Në fund të takimit, Zonja e Parë dhuroi disa libra të cilat shkuan për fondin e bibliotekës së burgut “Ali Demi”.