Oerd Bylykbashi, përfaqësuesi i Rithemelimit, pas dhënies së vendimit të Gjykatës së Apelit për vulën e PD, tha jashtë gjykatës se vendimi haptazi ka thyer çdo rregull dhe i shërben përpjekeve të Ramës për mos patur opozitë.
Bylykbashi shtoi se sot u vra pluralizmi me vendim gjykate.
“Vendim që haptazi ka thyer çdo rregull që deri sot ka vendosur legjislatori e jurisprunca duke pranuar ankimin e një palë që nuk është as minorancë në PD por i ka shërbyer përpjekjeve të Ramës për të mos patur një opozitë të vërtetë.
PD ka ngritur një proces që më shumë se një vit ka treguar vullnetin e opozitës për të mos qenë palë me Ramën. Gjykata zhbëri nën presion Kuvendin e 11 dhjetorit. Vendim që shënon ditë të zezë për drejtësinë. U vra pluralizmi me vendim gjykate”, tha ai.
