Një tubim i quajtur ‘Rage Against The War Machine’ është paralajmëruar për në Uashington DC të dielën, me protestuesit që pritet të marshojnë drejt Shtëpisë së Bardhë për të kërkuar paqe në Ukrainë dhe fundin e financimit ushtarak amerikan për Kievin.
Marshimi, i organizuar nga Partitë Libertariane dhe Popullore, premton të jetë mitingu më i madh kundër luftës në SHBA, që nga protestat kundër Luftës në Irak në 2003.
Ai do prezantojë folës nga i gjithë spektri politik, duke përfshirë ish-senatorin amerikan Ron Paul, ish-kandidaten për president Tulsi Gabbard dhe komedianin dhe komentatorin politik Jimmy Dore.
Në faqen e tyre të internetit, organizatorët kanë paraqitur kërkesat që ata synojnë t’i dorëzojnë ‘kryeluftëtarit Joe Biden’. Pikat përfshijnë ‘asnjë qindarkë më shumë për luftën në Ukrainë’, shpërbërjen e NATO-s, shkurtimin e buxhetit të Pentagonit, shfuqizimin e CIA-s dhe lirimin e Julian Assange.
Duke folur për prezantuesin e FOX News, Tucker Carlson, Tara Reade, një nga folëset që do paraqitet në tubim, argumentoi se amerikanët janë të ngopur duke parë se qeveria e tyre shpenzon pothuajse 100 miliardë dollarë në ndihmë për Ukrainën, ndërsa problemet në shtëpi po injorohen.
“Infrastruktura jonë po shpërbëhet. Amerika po bëhet një shtet i dështuar”, shpjegoi ajo.
Reade gjithashtu këmbënguli se SHBA dhe NATO ishin përgjegjëse për konfliktin midis Rusisë dhe Ukrainës, i cili tha ajo filloi në vitin 2014 gjatë grushtit të shtetit të sponsorizuar nga Perëndimi.
“Folësit po mblidhen të gjithë për të kërkuar shfuqizimin e NATO-s, sepse ajo nuk është një forcë paqeruajtëse, është një forcë agresive që po shtyhet kundër kufijve të Rusisë dhe tani ne po i afrohemi pragut të Luftës së Tretë Botërore”, shtoi Reade.
Sipas faqes së internetit ‘Rage Against War’, tubimi do fillojë në Memorialin e Lincoln në orën 12:30 të së dielës.
