Arkeologët peruanë dhe japonezë kanë zbuluar 168 modele të reja të gdhendura në fushën Nazca të Perusë dhe rrethinat e saj pasi fotografuan vendin me dron për dy vjet radhazi. Ndryshe nga linjat më abstrakte të Nazca-s, të cilat janë të dukshme vetëm nga ajri, glifet e zbuluara rishtazi mund të shihen nga toka, i tha Reuters studiuesi kryesor Masato Sakai nga Universiteti Yamagata.
Gdhendjet, të vendosura rreth 400 kilometra në jug të Limës në bregun e Perusë, përshkruajnë njerëz, mace, gjarpërinj, balena, zogj, lama, alpaka dhe krijesa të tjera dhe datojnë më shumë se 2000 vjet, sipas studiuesve. Pamjet e reja janë rreth 2 deri në 6 metra në gjatësi, ndërsa linjat e zbuluara më parë shtrihen deri në 50 kilometra.
Që nga viti 2004, studiuesit kanë gjetur 190 figura në zonë, dhe më shumë besohet se janë në pritje të zbulimit.
Përshkrimet e reja do përdoren në sondazhet e bazuara në inteligjencën artificiale për të ndihmuar në ruajtjen e gdhendjeve ende të pazbuluara, të cilat janë në rrezik shkatërrimi ‘për shkak të zgjerimit të fundit të punëtorive të lidhura me minierat në parkun arkeologjik’, sipas Sakai.
