Policia në qytetin gjerman të Mainzit iu desh të përdorte një çekiç për të lëvizur një aktivist të klimës, i cili ishte ngjitur në një rrugë të ngarkuar me trafik të premten.
Tre nga bashkëpunëtorët e tij u larguan me më pak përpjekje, teksa marifeti i tyre shkaktoi bllokime të mëdha trafiku.
Gjashtë anëtarë të një grupi që e quan veten ‘Letzte Generation’ (Gjenerata e Fundit) u ulën në rrugën Binger të Mainz të premten në mëngjes, me katër nga grupi që ngjitën duart në asfalt, raportuan mediat.
Ndërsa trafiku në qytet u bë kilometrik pas tyre, ata mbanin një pankartë që kërkonte një kufi më të ulët të shpejtësisë dhe subvencione për biletat e transportit publik.
Policia u thirr në vendngjarje dhe arriti të lirojë menjëherë tre nga demonstruesit e ngjitur. Megjithatë, i katërti e kishte fiksuar dorën në rrugë me një përzierje rëre dhe një ngjitësi të fortë dhe oficerëve iu desh të hapnin asfaltin përreth dhe ta hiqnin atë me një çekiç.
Fotot e postuara nga grupi më pas treguan dorën e aktivistit ende të ngjitur në një shesh asfalti.
SWR vuri në dukje se vrima në rrugë u riparua menjëherë. Letzte Generation është një grup motër i Just Stop Oil, anëtarët e të cilit kanë fituar famë duke prishur veprat e artit dhe duke bllokuar trafikun në Britani në muajt e fundit.
Të dyja organizatat financohen nga Fondi i Emergjencës Klimatike, një fondacion i nisur nga trashëgimtarja miliardere e naftës Aileen Getty dhe e drejtuar nga Trevor Neilson, një investitor me lidhje me Bill Gates dhe George Soros.