Nis ardhja e liderëve evropianë, Rama i pret një e nga një, zbardhet axhenda e samitit të BE-së në Tiranë

Nis mbërritja e delegacioneve në vendin ku do mbahet samiti BE-Ballkani Perëndimor.

Kryeministri Rama ka dalë t’i presë personalisht zyrtarët evropianë që do jenë pjesë e samitit. Kjo është hera e parë që një mbledhje e këtij niveli mbahet në Shqipëri dhe jashtë unionit.

Në qendër të samitit do jetë lufta në Ukrainë, emigracioni i paligjshëm, lufta kundër terrorizmit, lufta kundër krimit të organizuar e trafikut të drogës si dhe forcimi i sigurisë.

Për sa i përket temës së luftës në Ukrainë pritet të diskutohet reagimi i bashkërenduar lidhur me efektet negative që ka dhënë sulmi i Rusisë për sa i përket sigurisë ushqimore e energjetike të kontinentit.

Emigracioni i paligjshëm është një tjetër temë e rëndësishmë ku do i vihet theksi faktit të largimit të të rinjve nga vendet e Ballkanit perëndimor drejt BE-së.

Samiti do nisë në orën 10 të mëngjesit ndërsa ai do mbahet te stadium ‘Air Albania’. Pas nënshkrimit të disa marrëveshkeve pritet qërreth orës 14:30-15:00 të ketë një konferencë shtypi të liderëve të BE-së, Von der Leyen e Michel me kryeministrin Rama.